----------------------------------------------------
ജീവിതം ജ്വലിക്കുന്ന ചൂളപോല് കെടാതെയി-
ന്നീവിധം ഉലക്കോലാലൂതി ഞാന് പൊലിപ്പിക്കെ,
കേണുവോ പൊട്ടിത്തെറിച്ചടരും സ്വപ്നങ്ങളും,
പ്രാണനും സദാ, നൊന്തുവേവുമിപ്രവാസിഞാന്.
പോയതാണുഞാ,നെന്നുമേറിടും നിരുന്മേഷ-
മാരെയും തളര്ത്തുന്ന ജീവിത സമസ്യകള്,
വായ്ത്തലയൊളിപ്പിച്ച സൌഹൃദ സുഖാന്വേഷ-
ലക്ഷ്യഭേദികള് “നിനക്കൊന്നുമായില്ലെ ജോലി?”
അന്നു ഞാന് മുറിവിന്മേല് തെല്ലു ലേപനം ചേര്ക്കാന്
പോന്നു മണ്പരപ്പിലെ ജീവ തീര്ത്ഥവും തേടി.
തെല്ലു വാടിയോ മുഖം? “ജോലിയായെ“നിക്കെന്നു
ചൊല്ലവേ പൊടുന്നനേ,യാതപം പൂണ്ടു ചിലര്!
പിന്നെ ഞാന് മനസ്സിന്റെ കോണിലായൊളിപ്പിച്ച
ഫുല്ലസുസ്മേരം മൊഴിത്തേന് പകര്ന്നവള്, തെല്ലു-
പോലുമേ നിനയ്ക്കാതെ,യെന്തിനൊ മുറിപ്പാടായ്
തുന്നി ഞാനിരുന്നതും നീറ്റലായൊടുങ്ങട്ടെ.
ദൂരെ ഞാന് ദാഹിക്കുമ്പോള് സ്നേഹതീര്ത്ഥമായ്ക്കുളിര്-
നീരൊഴുക്കുറവയാ,യെന്മതി നിറയ്ക്കുവാന്
എന്നുമെന് വഴിത്താര ദീപ്തമാക്കുവാന് നിലാ-
വെന്നപോലെന്നില് സദാ സ്നേഹനം നിറയ്ക്കുവാന്
പോന്നൊരെന് മാതാവിന്റെ ചേതന മരവിച്ച
കാലടി പുണരുവാനന്ത്യമായ് വലം വയ്ക്കാന്
ആയതില്ല,വസാന നാളുകള് നോവാറ്റുവാന്
തായ നീയൊഴുക്കിയ കണ്ണുനീര് തുടയ്ക്കുവാന്.
എങ്കിലുമെനിക്കായി കാത്തിരിക്കുവാന് മമ
സങ്കടങ്ങളെപ്പകര്ന്നാതപമൊഴിക്കുവാന്
ഉണ്ടൊരാളൊരിക്കല് ഞാന് താലിചാര്ത്തിയോള് വെറും
രണ്ടുനാള് പരസ്പരം ജീവിതം രുചിച്ചവര്.
രാത്രിയേറുന്നൂയിരുള്ക്കനപ്പിന് കലീമുഖം
നാട്ടിലെമ്പാടും കൊടും ജീര്ണ്ണത വിതയ്ക്കുമ്പോള്
വീട്ടിലെവിളിയെന്റെ ഫോണിലേയ്ക്കലയ്ക്കവേ
ഞെട്ടിഞാന് വിറച്ചു പോം വാര്ത്തയിന്നശുഭമോ?
ജീവിതം ജ്വലിക്കുന്ന ചൂളപോല് കെടാതെയി-
ന്നീവിധം ഉലക്കോലാലൂതി ഞാന് പൊലിപ്പിക്കെ,
കേണുവോ പൊട്ടിത്തെറിച്ചടരും സ്വപ്നങ്ങളും,
പ്രാണനും സദാ, നൊന്തുവേവുമിപ്രവാസിഞാന്.
Feedjit
About Me
- ഷാജി നായരമ്പലം
- ആദ്യം കാവ്യമുറയ്ക്കണം, കവിതയില് - ക്കൈവച്ചിടും മുമ്പതിന് ഭാവം തീവ്രമരച്ചു ചേര്ത്തു കഴിയും മട്ടില് സ്ഫുടം ചെയ്യണം ഹൃദ്യം വാക്കുകള് വന്നിടട്ടെ, തനതാം വാക്കിന്റെ ചെപ്പും തുറ- ന്നേവം ചാരുത ചാര്ത്തിനിന്നു മൃദു സം- ഗീതം പൊഴിച്ചീടുവാന്
Followers
Popular Posts
-
................. ഹിമകണങ്ങളുതിര്ന്നിതാ മൃദു- മുകുളമെങ്ങുമുണര്ന്നിതാ മുഖമുയര്ത്തി ദിവാകരന് ദിന- സമയ യാത്ര തുടങ്ങവേ മുദിത ഭാവമൊടേ മൊഴിഞ്...
-
കേരളം വളരുന്നു! കേരളം വളരുന്നൂ, രൗദ്രമാം കാലത്തിന്റെ വേരുകള് നിലത്താഴ്ത്തി വന്യമായ് ദിനം പ്രതി! പണ്ടൊരള് മനോരമ്യം പാടിയും പുകഴ്ത്തിയു...
-
............................................... കുഞ്ഞിടിപ്പെങ്കിലും തന്നുവെന്നാലെന്റെ പൊന്നു മോളെ ഞങ്ങള് കൊണ്ടു പോകും കണ്ണിമ പൂട്ടാതെ ...
-
ഒരു ഭീകരപ്രവര്ത്തകന്റെ അച്ഛന് കേട്ടൂ നടുക്കമോടച്ഛന്, വിളക്കിതാ കെട്ടുപോയത്രേയകാലം ; വധിച്ചുപോ- ലേറ്റു മുട്ടീടുന്ന നേരം ടെറോറിസ്റ്റു - ...
-
അത്തപ്പൂക്കളമിട്ടുവോ, പലതരം പൂ ചേര്ത്തു മുറ്റത്തിതാ എത്തിപ്പോയൊരു പൂര്വ്വ പുണ്യസുഹൃദം കൊണ്ടാടുമോണോത്സവം ഒത്താലൊത്തിരിപൂക്കളും ഒരു മുറം ...
-
വൈകിയ ഒരു പുതുവല്സര ആശംസ അയ്യോ ഞാന് വൈകിയെന്നോ? പറയുകയെവിടെന് തൂലികത്തൂവലയ്യോ? പയ്യാരം പെയ്തിടാതേ, തിരയുകമനമേ വര്ണ്ണനൂലിട്ടപട്...
-
ബന്നി "കണ്ടു ഞാന് മാര്ക്കറ്റിനു മുന്നിലെപ്പറമ്പിലായ് കുന്നുപോല് കിട ക്കു ന്നൂ, നായ്ക്കള് തന് ജഢം, അച...
-
പച്ചത്തുള്ളന് മുറ്റത്തു തുള്ളിച്ചാടി- യെത്തിടും പച്ചത്തുള്ള- നെപ്പൊഴാണാവോ- നിന്റെ മുഷ്ടിയില്ത്തടങ്കലായ്? പെട്ടുപോയതിന് ഭയ- പ്പാടി...
-
അഗ്നി “ആരുനീ,യെന്നു ചൊല്ലാ, നാരൊരാള് തുനി,ഞ്ഞവന് തീരു,മിന്നിതാ വാങ്ങി വച്ചുകൊള്ളുക ശാപം. അഗ്നിയോ വിലക്ഷണം രാക്ഷസന് മുന്നി...
Malayalam Blog Directory
1 comments:
‘നൊന്തുവേവുമിപ്രവാസി‘.. തെളിഞ്ഞു നിൽക്കുന്നു
Post a Comment