കറ

കറ
പല്ലിലേറെക്കറയുണ്ടു സാറേ
കാണുവോര്‍ക്കിതു ബോറാണു കെട്ടോ,
പല്ലുവൈദ്യനെക്കാണിച്ചു വേഗം
തെല്ലു ശോഭവരുത്തുവാന്‍ നോക്കൂ



നേരുതന്നെ മൊഴിഞ്ഞ മാങ്കണ്ണി--
ക്കോമളാംഗിക്കു തെറ്റില്ല പക്ഷെ,
പല്ലില്‍മാത്രമല്ലുള്ളിലും മങ്ങി--
ക്ലാവുതീര്‍ത്തതും കണ്ടുവോ നിങ്ങള്‍?

ആരതൊക്കെ കഴുകിടാന്‍ പോരും
വേറൊരാള്‍ക്കതിന്നാവുമോ? ഞാനോ
നേരുകറ്റകള്‍ കത്തിച്ചിരുട്ടിന്‍
ചേരകറ്റട്ടെയെന്റെ ചിത്തത്തില്‍!

നന്ദി ചൊല്ലുന്നു,
നന്ദി ചൊല്ലുന്നു നല്ല വാക്കാലേ
തന്ന നേരിനെ ഞാനൊരുക്കട്ടെ
വര്‍ണ്ണ നൂലുകള്‍ കോര്‍ത്തും, തിളങ്ങുന്ന
പൊന്‍ മഷിക്കൂട്ടു തുള്ളികള്‍ ചേര്‍ത്തും
പിന്നെ നാരായ മൂര്‍ച്ചയാല്‍ നേരിന്‍
ഉള്ളളുളുക്കുകള്‍ കുത്തിപ്പിളര്‍ന്നും;
കോറിയിട്ടു നിനക്കായ് സുഹൃത്തേ...!