...............................................
കുഞ്ഞിടിപ്പെങ്കിലും തന്നുവെന്നാലെന്റെ
പൊന്നു മോളെ ഞങ്ങള് കൊണ്ടു പോകും
കണ്ണിമ പൂട്ടാതെ കാവലായ് നിന്നിടും
മണ്ണിലെ ദുഃഖങ്ങള് പങ്കുവയ്ക്കും.
വര്ണ്ണച്ചിറകും, വിലപ്പെട്ടതൊക്കെയും
വന്യമായ് ലോകം കവര്ന്നതല്ലേ,
ഏറെപ്പിടഞ്ഞുവക്കുഞ്ഞിച്ചിറകടി-
ച്ചാരെയോ നോക്കിക്കരഞ്ഞതില്ലേ?
കൂകിത്തിമര്ക്കുന്ന കാലന്റെ വണ്ടിയാ-
ത്തേങ്ങലും കേട്ടു കുതിച്ചുവെന്നോ?
കൂരിരുള് പോലും അറക്കുന്ന കാഴ്ച്ചകള്
കാലനും, ദൈവവും നോക്കി നിന്നോ?
ആരെപ്പഴിക്കുവാന്? കണ്ണുകള് പൂട്ടാതെ
ചാരെയെന് പൈതലെത്തന്നുവെങ്കില്
കുഞ്ഞിടിപ്പെങ്കിലും ബാക്കിവച്ചേക്കുകില്
പൊന്നുമോളെ ഞങ്ങള് കൊണ്ടു പോകും.....
Monday, February 7, 2011
Subscribe to:
Post Comments (Atom)
1 comment:
arappulavakkunna oru pseudo samooham.inhibited and suppressed:(
Post a Comment