കൈരളി..!
(നവമ്പര് ഒന്നിനു ഒരു പുനപ്രസിദ്ധീകരണം )
അക്ഷരഗംഗയിലല്പനാളാ,യെന്റെ
വാക്കുകള് മുക്കിത്തുടച്ചിടുന്നൂ
ആ പ്രമാദം പൊറുത്തക്ഷരങ്ങള് നാവി-
ലിറ്റു തേനിറ്റിച്ചു വീഴ്ത്തിയാരോ!
വാക്കുകള് തെറ്റാതെ നോക്കുന്നിടത്തൊക്കെ-
യൊത്തപോല് ചേര്ത്തുറപ്പിച്ചു വയ്ക്കാന്
മുറ്റും കൃപാവരം തന്നു താന് പോന്നതായ്
പെറ്റമ്മയെന്നെ വളര്ത്തിയെന്നോ!
ആദ്യാക്ഷരം ചേര്ത്തു കൈവിരല്ത്തുമ്പിലാ-
യാദ്യമായാരോ പകര്ന്നു തന്നൂ
അമ്മയെന്നക്ഷരപ്പൂവിന്റെ യാര്ദ്രമാ-
മുണ്മയെച്ചേലില്പ്പതിച്ചു വച്ചൂ
തേനും വയമ്പും പുരട്ടി പൊന് തൂവലാ-
ലാനയിപ്പിച്ച പയോധി മുന്നില്
ജാലകക്കാഴ്ച്ചയായക്ഷരപ്പാല്ക്കടല്-
ത്താളമേളങ്ങള് പടുത്തു തന്നൂ.
ഓമനത്തിങ്കള്ക്കിടാവും, മടുക്കാതെ
തേന്മധു തേടി നടന്ന വണ്ടും
ദ്യോവിലേക്കെന്തിനോ പൊങ്ങിപ്പറക്കുന്ന
പൂവും വരച്ച വരപ്രസാദം,
കോരിക്കുടിച്ചു ഞാനീസ്നിഗ്ദ്ധ തീരത്തു
തീരേ നിനച്ചിടാതെത്തി നില്ക്കേ,
പാരം നമിക്കുന്നു, കൈരളിക്കാകുന്ന
കാല്ച്ചിലമ്പിന് ഝിലം തീര്ത്തിടാം ഞാന് !
(നവമ്പര് ഒന്നിനു ഒരു പുനപ്രസിദ്ധീകരണം )
അക്ഷരഗംഗയിലല്പനാളാ,യെന്റെ
വാക്കുകള് മുക്കിത്തുടച്ചിടുന്നൂ
ആ പ്രമാദം പൊറുത്തക്ഷരങ്ങള് നാവി-
ലിറ്റു തേനിറ്റിച്ചു വീഴ്ത്തിയാരോ!
വാക്കുകള് തെറ്റാതെ നോക്കുന്നിടത്തൊക്കെ-
യൊത്തപോല് ചേര്ത്തുറപ്പിച്ചു വയ്ക്കാന്
മുറ്റും കൃപാവരം തന്നു താന് പോന്നതായ്
പെറ്റമ്മയെന്നെ വളര്ത്തിയെന്നോ!
ആദ്യാക്ഷരം ചേര്ത്തു കൈവിരല്ത്തുമ്പിലാ-
യാദ്യമായാരോ പകര്ന്നു തന്നൂ
അമ്മയെന്നക്ഷരപ്പൂവിന്റെ യാര്ദ്രമാ-
മുണ്മയെച്ചേലില്പ്പതിച്ചു വച്ചൂ
തേനും വയമ്പും പുരട്ടി പൊന് തൂവലാ-
ലാനയിപ്പിച്ച പയോധി മുന്നില്
ജാലകക്കാഴ്ച്ചയായക്ഷരപ്പാല്ക്കടല്-
ത്താളമേളങ്ങള് പടുത്തു തന്നൂ.
ഓമനത്തിങ്കള്ക്കിടാവും, മടുക്കാതെ
തേന്മധു തേടി നടന്ന വണ്ടും
ദ്യോവിലേക്കെന്തിനോ പൊങ്ങിപ്പറക്കുന്ന
പൂവും വരച്ച വരപ്രസാദം,
കോരിക്കുടിച്ചു ഞാനീസ്നിഗ്ദ്ധ തീരത്തു
തീരേ നിനച്ചിടാതെത്തി നില്ക്കേ,
പാരം നമിക്കുന്നു, കൈരളിക്കാകുന്ന
കാല്ച്ചിലമ്പിന് ഝിലം തീര്ത്തിടാം ഞാന് !
4 comments:
ശ്രേഷ്ഠ കവിത
കവിത നന്നായിരിക്കുന്നു
ഇഷ്ടപ്പെട്ടു.
ആശംസകള്
തനിമലയാളത്തിൻ രുചി പകരുന്ന നല്ലൊരു കവിത.
വളരെയിഷ്ടമായി.
ശുഭാശംസകൾ....
ആശംസകള്
കവിയ്ക്കും കൈരളിയ്ക്കും
Post a Comment